പാടാം ഒരു സ്നേഹഗീതം
നീയതിന് പല്ലവി മൂളി നീ വരുമോ...
പല്ലവി പാടി നീ വരികില്
അനുപല്ലവി ഞാനേറ്റു പാടാം
നല്കാം നിനക്കെന് മനസ്സും
അതില് സ്നേഹം പകര്ന്നു നീ തരുമോ...
സ്നേഹം പകര്ന്നു നീ തരികില്
എന്റെ മോഹങ്ങള് പങ്കിട്ടു നല്കാം...
പുലരി മഞ്ഞുരുകുന്ന വഴിയില്
കുഞ്ഞു സൂര്യനായ് തഴുകി നീ വരുമോ...
സൂര്യനായ് തഴുകി നീ വരികില്
മഞ്ഞുതുള്ളിയായ് ഞാന് നിന്നിലലിയാം
പൂക്കളില് നിറയുന്ന മധുരം
കരിവണ്ടായി നുകരാന് നീ വരുമോ...
വണ്ടായ് പറന്നു നീ വരികില്
എന്റെ മനസ്സിന് സുഗന്ധവും നല്കാം
കളകളം പാടുമീ പുഴയില്
കൊച്ചു തോണിതുഴഞ്ഞു നീ വരുമോ...
തോണി തുഴഞ്ഞിങ്ങു വരികില്
നിന്റെ തോണിയില് ഞാനും കരേറാം...
അക്കരെയുണ്ടൊരു മാടം
അതില് കൂട്ടിനായ് നീ കൂടെ വരുമോ...
കൂട്ടിനായ് നീയൊപ്പമെങ്കില്
നമുക്കൊന്നിച്ചു വാനില്പറക്കാം.
varaathirikkan aavillallO????????/
ReplyDeleteകൂട്ടിനായ് നീ കൂടെ വരുമോ...???
ReplyDelete