ആരോ വിരല് തൊട്ടുണര്ത്തുന്ന പൊന്മണി
തമ്പുരുതന്ശ്രുതിയാകുന്നു സൌഹൃദം
ഹൃദയസംഗീതത്തിനനുപദം പാടുന്ന
മാസ്മര മന്ത്രണമാകുന്നു സൌഹൃദം
വിടരുന്ന മുകുളത്തിന്നുയിരില് നിറയുന്ന
വശ്യമാം സൌരഭ്യമാകുന്നു സൌഹൃദം
നോവുന്ന മനസ്സുകള്ക്കാശ്വാസമായ് വരും
സ്നേഹമാം വാക്കുകളാകുന്നു സൌഹൃദം
ഏകാന്തയാമങ്ങള് പങ്കിടാനെത്തുന്ന
സുന്ദര നിമിഷങ്ങളാകുന്നു സൌഹൃദം
മനസ്സിന്റെ ജാലകം മെല്ലെ തുറന്നെത്തും
ആനന്ദഭൈരവിയാകുന്നു സൌഹൃദം
മതഭേദമില്ലാതെ ചിന്തകള് കൈകോര്ക്കും
ആത്മീയസംഗമമാകുന്നു സൌഹൃദം
ഭാരം ചുമന്നേറെ തളരുന്ന കൈകളില്
ശീകരസ്പര്ശനമാകുന്നു സൌഹൃദം
ഭൂതായനങ്ങളില് മറയുന്ന കാഴ്ചകള്
സ്നേഹമായ് പങ്കുവച്ചീടുന്നു സൌഹൃദം
ആഴികള്ക്കപ്പുറം പിടയും തുടിപ്പുകള്
കേള്ക്കുന്ന കിളിവാതിലാകുന്നു സൌഹൃദം
പെയ്യാതെ പോകുന്ന മേഘം തടുക്കുവാന്
സാനുക്കളയിന്നുയിര്ക്കട്ടെ സൌഹൃദം
അനശ്വരമാവാട്ടെ നമ്മുടെ സൌഹൃദം
പാരില് നിറയ്ക്കട്ടെ ശാന്തിതന് സന്ദേശം.
Tuesday, February 3, 2009
Subscribe to:
Post Comments (Atom)
നോവുന്ന മനസ്സുകള്ക്കാശ്വാസമായ് വരും
ReplyDeleteസ്നേഹമാം വാക്കുകളാകുന്നു സൌഹൃദം
this 4 uuu jayetta....
nannaayittund ketto...
AnnA