പുതുമഴ പോലൊരു സ്വപ്നമെന് മനസ്സിന്റെ
കിളിവാതില് ചാരത്തു വന്നു നില്ക്കെ...
ഇന്നലെ നോക്കി കൊതിപ്പിച്ചു പോയൊരാ-
തോഴന് എന്നെ മെല്ലെ തൊട്ടുണര്ത്തി...
അരുമായായ് ഇന്നവന് പുഞ്ചിരിച്ചു എന്റെ
അനുവാദമില്ലാതെ അടുത്തിരുന്നു...
ഒരു ധനുമാസരാവിന്റെ കുളിരു പോല് വന്നെന്റെ
മാനസ ശ്രീകോവില് നടതുറന്നു...
കാതരമായ് മൊഴിഞ്ഞവന് കിന്നാരം
കേട്ടെന്റെ കരളിന് കിളി ചിലച്ചു...
നിലാവില് മയങ്ങുമീ പാതയോരം നീളെ
നിശാഗന്ധി മിഴികള് തുറന്നു നില്പൂ...
മടിയില് തലചായ്ചു ഞാനിരുന്നു നിന്റെ
ഗന്ധര്വ്വ സംഗീതം കേട്ടിരുന്നു...
ആരോ വിരല് തൊട്ടു മീട്ടും പൊന് വീണതന്
തന്ത്രിപോലാര്ദ്രമായ് എന് മാനസം...
Thursday, January 15, 2009
Subscribe to:
Post Comments (Atom)
No comments:
Post a Comment